கூந்தல் உதிர்வை தடுக்க வேண்டுமா ? இந்த உணவுகளை எடுத்து கொள்ளுங்கள்.

பெண்கள் முகத்தை விட தலைமுடிக்கே அதிகம் முக்கியத்துவம் கொடுப்பதுண்டு இருப்பினும் மாசு நிறைந்த சூழல்களில் செல்வதனாலும் தலைமுடிக்கு தேவையான சத்துக்கள் இல்லாததனாலும் முடி உதிர்வு ஏற்படுகின்றது. 

குறிப்பாக உறுதியான கூந்தலுக்கு விட்டமின் ஏ , சி , இ , பி5 , பி6 , பி12 , இரும்புச்சத்து , துத்தநாகம் , புரதம் , கொழுப்பு அமிலங்கள் மிக அவசியமானது ஆகும் . கூந்தலின் ஆரோக்கியத்துக்குத் தேவையான சத்துக்கள் நிறைந்த உணவை உண்டால்தான் பலன் கிடைக்கும் எனப்படுகின்றது. 

அந்தவகையில் எந்தெந்த உணவுகளை எடுத்துக்கொண்டால் முடி உதிர்வைத் தவிர்க்கலாம். 

* முட்டையில் உள்ள வெள்ளைப் பகுதியில் ' அல்புமின் ' என்ற புரதம் உள்ளதால் அது கூந்தல் வளர்ச்சியைத் தூண்டுகிறது . மேலும் இதில் முடி உதிர்வைக் கட்டுப்படுத்தும் பயோட்டின் என்கிற விட்டமினும் உள்ளது. 

* பீன்ஸில் முடி உதிர்வைக் கட்டுப்படுத்தக்கூடிய இரும்புச்சத்து அதிகமாக உள்ளது . குறிப்பாக பீன்ஸ் சோயா பீன்ஸ் , கறுப்பு பீன்ஸ் ஆகியவை கூந்தல் அடர்த்தியாக வளர உதவி புரிகின்றன . 

*ஒட்ஸில் விட்டமின் பி - யும்  தாது உப்புக்களும் நிறைவாக உள்ளன மெலனின் என்ற நிறமி , முடிக்கு நிறமளிக்கக்கூடியது . ஒட்ஸில் உள்ள சத்துக்கள் முடி வேகமாகவும் , கருமையான நிறத்திலும் வளரத் தேவையானவை ஆகும் .

* கேரட்டில் விட்டமின் ஏ உள்ளதால் முடியோடு சேர்த்து , கண்களுக்கும் நல்லது . தோல் மற்றும் முடியை பாதுகாக்கும் தன்மை இதற்கு உண்டு . கேரட்டில் அதிக அளவு . பீட்டாகரோட்டின் சத்துக்கள் உள்ளன . ஆரோக்கியமான முடி வளர்ச்சிக்குத் தூண்டுகின்றன.

* பாதாம் , பீநட்ஸ் , வால்நட் , முந்திரி ஆகியவற்றை தினமும் உணவில் சேர்த்துக் கொள்ளலாம் . இவை முடிக்கு நல்ல ஊட்டச்சத்தைக் கொடுப்பதோடு முடி உதிர்வையும் கட்டுப்படுத்தும் . தோலுக்கு நல்ல நிறத்தையும் , முடிக்கு நல்ல பளபளப்பையும் தரக்கூடியவை .