குழந்தைகளுக்கு மிகவும் பிடித்த முட்டை பணியாரம் ரெசிபி!

குழந்தைகள் முதல் பெரியவர்கள் வரை அனைவரும் விரும்பி சாப்பிடும் சுவையான முட்டை பணியாரம் செய்வது எப்படி என்பதை பார்க்கலாம்.

தேவையான பொருட்கள்:-

இட்லி மாவு - ஒரு கப்.
முட்டை - 2.
சின்ன வெங்காயம் - 25 கிராம்.
பச்சை மிளகாய் - 2.
கறிவேப்பிலை - 1 கொத்து.
கடுகு - கால் தேக்கரண்டி.
உப்பு தேவையான அளவு.
எண்ணெய் - 2 தேக்கரண்டி.

செய்முறை:-

வெங்காயத்தை நீளவாக்கில் நறுக்கவும் பச்சை மிளகாய் கறிவேப்பிலையை பொடியாக நறுக்கிக்கொள்ளவும். 

பின்பு முட்டையை ஒரு பாத்திரத்தில் நன்றாக கடைந்து கொள்ளவும்.

பின்பு கடைந்த முட்டையை இட்லி மாவுடன் சேர்த்து நன்றாக கலக்கவும். பிறகு அதனுடன் தேவையான அளவு உப்பு சேர்த்து நன்கு கலந்துக் கொள்ளவும்.

பின்பு வாணலியில் 2 தேக்கரண்டி எண்ணெய் ஊற்றி காய்ந்ததும் கடுகு உளுத்தம்பருப்பு போட்டு தாளிக்கவும். 

அதனுடன் நறுக்கிய வெங்காயம் பச்சை மிளகாய் கறிவேப்பிலையை போட்டு வதக்கவும்.

பின்பு முட்டை ஊற்றி கலந்த இட்லி மாவு கலவையுடன் தாளித்த பொருட்களை சேர்த்து நன்றாக கலந்து கொள்ளவும்.

பின்பு குழிப்பணியாரம் கல்லில் ஒவ்வொரு குழியிலும் சிறிது எண்ணெய் ஊற்றி காய்ந்ததும் ஒரு கரண்டியில் மாவை எடுத்து அதில் ஊற்றவும்.

பணியாரம் ஒரு பக்கம் வெந்ததும் திருப்பிப் போட்டு நன்கு வேகவிட்டு எடுத்தால் முட்டை பணியாரம் தயார்.,